14.07.2017 რელიზი
შპს „ბაგო“ სახელმწიფო ბიუჯეტის სასარგებლოდ 5000 ლარით დაჯარიმდა
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) 14 ივლისის საჯარო სხდომაზე შპს „ბაგო“ ადმინისტრაციულ სამართალდამრღვევად იქნა მიჩნეული და სახელმწიფო ბიუჯეტის სასარგებლოდ 5 000 ლარით დაჯარიმდა.
ადმინისტრაციულ სამართალდამრღვევად ცნობისა და დაჯარიმების საფუძველი გახდა ის, რომ შპს „ბაგომ “ კომისიაში „ერთიანი ანგარიშგების ფორმებით“ არ წარმოადგინა ინფორმაცია 2016 წლის საქმიანობისა და 2017 წლის პირველი კვარტალის საქმიანობის შესახებ.
კომისიის ნორმატიული აქტით - 2008 წლის 18 სექტემბრის N23 დადგენილების 21 პუნქტით დამტკიცებული „ერთიანი ანგარიშგების პირობების“ მე-3 პუნქტით გათვალისწინებულია სექტორში მოქმედი სუბიექტების მიერ საქმიანობის წლიური და კვარტალური ანგარიშების „ერთიანი ანგარიშგების ფორმებით“ წარმოდგენა.
