„სოციალურად დაუცველი მოსახლეობის მიერ მოხმარებული ელექტროენერგიის ღირებულების ნაწილობრივი სუბსიდირების შესახებ“ საქართველოს მთავრობის 2015 წლის 30 ივლისის №381 დადგენილებაში ცვლილების შეტანის თაობაზე  - ცვლილების მიხედვით, განახლდა სუბსიდიის პირობები

„ლიცენზირების წესებისა და ენერგეტიკული საქმიანობის თაობაზე შეტყობინების წესის დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2020 წლის 27 მაისის №22 დადგენილებაში ცვლილების შეტანის თაობაზე - ცვლილების მიხედვით, ელექტროენერგიის ბაზრის ოპერატორის საქმიანობის სალიცენზიო პირობებიდან ამოღებულ იქნა ნორმა, რომლის მიხედვითაც, ელექტროენერგიის ბაზრის ოპერატორი დღით ადრე და დღიური სეგმენტებისათვის ვალდებული იყო უზრუნველყო დღით ადრე, დღიური და საბალანსო და დამხმარე მომსახურებების ბაზრებისთვის, აგრეთვე უბალანსობის ფინანსური ანგარიშსწორებისთვის, ერთიანი ფინანსური ანგარიშსწორების სისტემის ორგანიზება

საქართველოს ეკონომიკისა და მდგრადი განვითარების მინისტრის 2021 წლის 11 თებერვლის N1-1/37 ბრძანება „ვერტიკალურად ინტეგრირებული ენერგეტიკული საწარმოს, რომელიც ემსახურება ქსელთან მიერთებულ 100 000-ზე ნაკლებ მომხმარებელს, გამანაწილებელი სისტემის ოპერატორის განცალკევებისა და დამოუკიდებლობის მოთხოვნების შესრულების ვალდებულებისაგან გათავისუფლების შესახებ“ - ბრძანების თანახმად, ვერტიკალურად ინტეგრირებული ენერგეტიკული საწარმო, რომელიც ემსახურება ქსელთან მიერთებულ 100 000-ზე ნაკლებ მომხმარებელს, გათავისუფლდეს გამანაწილებელი სისტემის ოპერატორის სამართლებრივ და ფუნქციურ განცალკევებასა და დამოუკიდებლობასთან დაკავშირებით განსაზღვრული მოთხოვნების შესრულების ვალდებულებისაგან

„სასმელი წყლის მიწოდებისა და მოხმარების წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 26 ნოემბრის №32 დადგენილებაში ცვლილების შეტანის თაობაზე - ცვლილების მიხედვით, თუ აღრიცხვის კვანძის მოწყობა ტექნიკურად შეუძლებელია შიდა ინფრასტრუქტურის დაუზიანებლად, მომხმარებლის მიერ აღრიცხვის კვანძის მოწყობის უარის შემთხვევაში, წყალმომარაგების ლიცენზიატი ვალდებულია, სასმელი წყლის საფასურის დარიცხვა მოახდინოს სულადობის მიხედვით

„განახლებადი წყაროებიდან ენერგიის წარმოებისა და გამოყენების მხარდაჭერის სქემის (ჰიდროელექტროსადგურები) დამტკიცების შესახებ“ საქართველოს მთავრობის 2020 წლის 2 ივლისის №403 დადგენილებაში ცვლილების შეტანის თაობაზე - ცვლილების მიხედვით, განახლდა დადგენილების სათაური, რომლიდან გამომდინარეც, მხარდაჭერის სქემებით სარგებლობის შესაძლებლობის უფლება მიეცათ არა მხოლოდ ჰიდროელექტროსადგურებს, არამედ ყველა სხვა დანარჩენ განახლებად ენერგიაზე მომუშავე წყაროებსაც, მაგ

„ელექტროენერგიის (სიმძლავრის) ბაზრის წესების დამტკიცების შესახებ“ საქართველოს ენერგეტიკის მინისტრის 2006 წლის 30 აგვისტოს №77 ბრძანებაში ცვლილების შეტანის შესახებ - ბრძანებაში შებიდა ცვლილება და 4​¹ მუხლის მე-9 პუნქტის შემდეგ დაემატა მე-10  – მე-14 პუნქტები, რომლის მიხედვითაც, საბითუმო ვაჭრობაში მონაწილედ რეგისტრირებული პირი, მისგან დამოუკიდებელი ობიექტური მიზეზ(ებ)ის გამო, ვერ დაასრულებს ელექტროსადგურის საცდელ გაშვებას ან/და კომპლექსურ გასინჯვას, აღნიშნულ პირს შეუძლია, მხოლოდ ერთხელ, მოითხოვოს რეგისტრაციის პერიოდის გაგრძელება, ან წარუდგინოს განაცხადი ელექტროენერგეტიკული ბაზრის ოპერატორს, საბითუმო ვაჭრობაში მონაწილედ რეგისტრაციისათვის

„კომუნალური გადასახადების სუბსიდირების წესისა და პირობების დამტკიცების შესახებ“ საქართველოს მთავრობის 2020 წლის 30 ოქტომბრის №655 დადგენილებაში ცვლილების შეტანის თაობაზე - ცვლილების მიხედვით, განისაზღვრა 2021 წლის მარტი-დეკემბრის სუბსიდირების პირობები