საქართველოს ენერგეტიკისა და წყალმომარაგების ეროვნული კომისიის წევრი მაია მელიქიძე, ეკონომიკისა და მდგრადი განვითარების სამინისტროს ენერგეტიკული პოლიტიკისა და პროექტების დეპარტამენტის ხელმძღვანელი თორნიკე ყაზარაშვილი,  USAID/საქართველოს მისიის ხელმძღვანელი პიტერ ვიბლერი, საქართველოს ენერგეტიკის განვითარების ფონდის ხელმძღვანელი გიორგი ჩიქოვანი, საქართველოს სახელმწიფო ელექტროსისტემის (სსე) ხელმძღვანელი უჩა უჩანეიშვილთან და ენერგეტიკის პროგრამის წარმომადგენლებთან ერთად ეწვივნენ გორის ქარის სადგურს. ვიზიტის მიზანია ქარის ენერგიის პროგნოზირების დეტალების და შედეგების გაცნობა, აგრეთვე დაინტერესებული მხარეებისთვის მიღებული ცოდნის გაზიარება. USAID ენერგეტიკის პროგრამის ტექნიკური დახმარებით პროექტს ახორციელებს სსე UL AWS True Power- თან თანამშრომლობით. ქარის ენერგიის პროგნოზირების ცენტრალიზებული სისტემის არსებობა ხელს შეუწყობს ქარის სადგურების ინტეგრირებას და სსე-ს მიერ ელეტროენერგეტიკულ სისტემაში რესურსების დაგეგმვასა და გადანაწილებას.