საქართველოს ენერგეტიკისა და წყალმომარაგების მარეგულირებელი ეროვნული კომისიის წევრმა, გივი სანიკიძემ მონაწილეობა მიიღო “წყლის მომავლის საერთაშორისო ფორუმის” პანელურ დისკუსიაში, რომელიც სატარიფო სისტემებს შეეხებოდა.

გივი სანიკიძემ ისაუბრა სატარიფო პოლიტიკაზე, ტარიფების დადგენის პრინციპებზე, წყლის მოხმარების ზრდასა და წყალმომრაგების სექტორის სპეციფიკაზე. კომისიის წევრმა დაასახელა ის ძირითადი პრობლემური საკითხები, რაც დღეისთვის წყალმომარაგების სექტორში ფიქსირდება. მათ შორის, ყურადღება გაამახვილა დაზოგვის აუცილებლობაზე, ინვესტიციების საჭიროებაზე და ამ ჭრილში ხელმისაწვდომობის უზრუნველყოფასა და გამრიცხველიანების აუცილებლობაზე.