საქართველოს ენერგეტიკისა და წყალმომარაგების მარეგულირებელი ეროვნული კომისიის წევრმა, დავით თვალაბეიშვილმა განახლებადი ენერგიების საერთაშორისო საინვესტიციო კონფერენციაში მიიღო მონაწილეობა, რომელიც 9-10 ოქტომბერს, ქალაქ ბუდაპეშტში ენერგეტიკის მარეგულირებელთა რეგიონალური ასოციაციის (ERRA) ორგანიზებით გაიმართა. კონფერენცია გახსნა ERRA-ს თავმჯდომარემ, მაია მელიქიძემ. მარეგულირებელი კომისიის მხრიდან კონფერენციას ესწრებოდა ელექტროენერგეტიკის დეპარტამენტის დირექტორი, ნუგზარ ბერიძე. 

კონფერენციაზე განიხილეს 2022-2023 წლებში მსოფლიოს ენერგეტიკულ ბაზრებზე არსებული მდგომარეობა და გამოწვევები. მონაწილეებმა იმსჯელეს კლიმატის ცვლილების, ენერგეტიკული უსაფრთხოების, სამომავლო ბაზრების მოდელებისა და მათი განხორციელების საკითხებზე. 

განახლებადი ენერგიების საერთაშორისო საინვესტიციო კონფერენცია ERRA-ს ეგიდით ყოველწლიურად იმართება, რომელშიც მონაწილეობენ ენერგეტიკის სამთავრობო უწყებების, მარეგულირებელი ორგანოების, სხვადასხვა ენერგეტიკული კომპანიების წარმომადგენლები, ენერგეტიკის ექსპერტები და დონორი ორგანიზაციები. 2022 წელს საინვესტიციო კონფერენციას მარეგულირებელმა კომისიამ, თბილისში უმასპინძლა.