13.04.2022 რელიზი

13 აპრილი, 2022

 

საქართველოს ენერგეტიკისა და წყალმომარაგების მარეგულირებელი ეროვნული კომისიის წევრი მაია მელიქიძე ენერგეტიკის მარეგულირებელთა რეგიონული ასოციაციის (ERRA) პრეზიდენტი მეორე ვადით გახდა. ასოციაციის წევრი ქვეყნების წარმომადგენლებმა გენერალური ასამბლეის სხდომაზე მაია მელიქიძე ასოციაციის ხელმძღვანელად ხმათა უმრავლესობით აირჩიეს. მარეგულირებელი კომისიის მხრიდან სხდომას ესწრებოდნენ  თავმჯდომარე, დავით ნარმანია და კომისიის წევრი, გოჩა შონია, რომლებმაც კომისიის სახელით სრული მხარდაჭერა გამოუცხადეს მაია მელიქიძის კანდიდატურას.  

ასოციაციის წევრებმა დადებითად შეაფასეს მაია მელიქიძის მიერ ERRA-ს პრეზიდენტობის პირველ ვადაში ასოციაციაში განხორციელებული რეფორმები, რომლებმაც ასოციაციის საქმიანობა მეტად ეფექტური გახადა. საგულისხმოა, რომ სხვადასხვა მნიშვნელოვანი პროექტების განხორციელებასთან ერთად, მაია მელიქიძის ინიციატივით, ასოციაციაში დაიწყო პროგრამები, რომლებიც ეხმარება ენერგეტიკის სექტორში დასაქმებულ ქალებს კარიერულ წინსვლაში. 

ენერგეტიკის მარეგულირებელთა რეგიონული ასოციაცია (ERRA)  ევროპისა და აზიის რეგიონის ქვეყნების მარეგულირებელ კომისიებს აერთიანებს, ასევე ორგანიზაციაში გაერთიანებულნი არიან პარტნიორი ორგანიზაციები, მათ შორის ამერიკის შეერთებული შტატებიდან.

მარეგულირებელი კომისია ERRA-ს წევრი და ერთ-ერთი დამფუძნებელია.