საქართველოს ენერგეტიკისა და წყალმომარაგების მარეგულირებელი ეროვნული კომისიის მიერ დანერგილი რეგულაციების შესრულებისა და მელიორაციის სექტორის მომხმარებელთან კომუნიკაციის პროგრამული უზრუნველყოფის დანერგვაზე, შპს „საქართველოს მოლიორაციამ“ განხორციელებული ღონისძიებების შესახებ მარეგულირებელ კომისიაში ანგარიში წარადგინა.  

კომისიის საჯარო სხდომაზე შპს „საქართველოოს მელიორაციის“ მიერ წარმოდგენილი ინფორმაციის საფუძველზე, მარეგულირებლის  გადაწყვეტილებით  კომპანიას  დაევალა დეფიციტის პირობებში წყლის მიწოდების არეალების განსაზღვრასთან და ასევე, კომისიასთან ერთობლივად შემუშავებული პროგრამული უზრუნველყოფის დანერგვისთვის განსახორციელებელი ღონისძიების გეგმის შესრულების მიმდინარეობის შესახებ კომისიაში ინფორმაციის წარდგენა 1-ლ აგვისტომდე. ასევე, შპს „საქართველოს მელიორაციას“ 15 ივნისამდე განესაზღვრა ვადა წესებთან შესაბამისობაში მყოფი აღრიცხვიანობის გეგმის კომისიაში წარსადგენად.

აღსანიშნავია, რომ კომისიის რეგულირების პირველივე წელს, შპს „საქართველოს მელიორაციის“ მიერ პირველად გამოქვეყნდა წყლის მიწოდების რეჟიმი, სადაც ასახულია საირიგაციო წყლის მიწოდებასთან დაკავშირებით არსებული მდგომარეობა, ასევე განისაზღვრა წყლის მიწოდების წერტილები და რწყვის ოპერაციების ჯერადობა, აგრეთვე ტბორებისთვის დადგინდა წყლის მოხმარების ნორმები