თუ თქვენ ხართ ახალი მომხმარებელი (გამანაწილებელი სქელის ახალ მომხმარებლად ითვლება მხოლოდ ის ობიექტი, რომელიც არასოდეს ყოფილა მიერთებულ გამანაწილებელ ქსელზე და საერთოდ არ მიეწოდებოდა ელექტროენერგია) და გსურთ მიიღოთ და მოიხმაროთ ელექტროენერგია, უნდა მოახდინოთ გამანაწილებელ ქსელზე მიერთება. მიერთება ფასიანია და რეგულირდება განსაზღვრული წესით. პირველ რიგში თქვენ უნდა აირჩიოთ მომსახურების პაკეტი, შემდეგ შესაბამის გამანაწილებელ კომპანიაში ავსებთ განაცხადს.  გთხოვთ, ყურადღებით წაიკითხოთ ეს ინფორმაცია

თქვენ, როგორც განმცხადებელი, ვალდებული ხართ განაცხადის წარდგენამდე გადაიხადოთ განაცხადში მითითებული გამანაწილებელ ქსელზე მიერთების საფასურის 50%, ხოლო დარჩენილი თანხა გადაიხადოთ ელექტროენერგიით მომარაგების დაწყების თარიღიდან (ა) საყოფაცხოვრებო მომხმარებელმა – 20 დღის განმავლობაში; ბ) არასაყოფაცხოვრებო მომხმარებელმა – 10 დღის განმავლობაში).  გამანაწილებელი კომპანია ვალდებულია განაცხადის და გადახდის ქვითრის მიღებისთანავე დაიწყოს მისი შესწავლა და 5 დღის ვადაში გაცნობოთ დაკმაყოფილდება თუ არა თქვენი მოთხოვნა. უარის მიღების შემთხვევაში, თქვენ უფლება გაქვთ განმეორებით მიმართოთ კომპანიას მოთხოვნით. 

კომპანიის მიერ სამუშაოების დასრულების ვადის გადაცდენის შემთხვევაში თქვენ გეხსნებათ გადასახადის 50% გადახდის ვალდებულება. კომპანიის მხრიდან განმეორებით ვადის გადაცდენის შემთხვევაში, კომპანიამ უნდა დაგიბრუნოთ გადახდილი თანხა 10 დღის განმავლობაში

გამანაწილებელი კომპანია უზრუნველყოფს თქვენს კუთვნილ ტერიტორიამდე მიერთებისთვის საჭირო ყველა სამუშაოს და ხარჯს, მათ შორის, გამანაწილებელი ქსელის გაყვანას, საშუალებების შეძენას, მიერთების საპროექტო–სამშენებლო სამუშაოებს, მის შესრულებასთან დაკავშირებულ თანხმობის ან ნებართვის მოპოვებას და ყველა სახის საჭირო მოქმედებას და სამუშაოს. ამ პროცესებში თქვენ მონაწილეობას არ იღებთ. ობიექტის ქსელზე მიერთებისა და თქვენი აბონენტად აყვანის შემდეგ, გამანაწილებელი კომპანია ვალდებულია გაგიწიოთ მომსახურება და თქვენს მიერ მოხმარებული ელექტროენერგიის აღრიცხვა და ანგარისსწორება აწარმოოს ინდივიდუალურად.